Halkan har’aa dorgommiiwwan Atleetoonni Ityoophiyaa itti hirmaataan 3 ni gaggeefamu

Barii sa’aatii 11:45 irratti fiigicha xumuraa gufachiisaa meetira kuma 3 dubartoota gidduutti fiiggamuun Atleetoonni Ityoophiyaa ni eegamu.

Maqdas Abbabaa fi Warqiwuhaa Geetaachoon meedaaliyaa dabalataan ni argamsiisuun tilmaamama argataniiru.

Fiigichi gulaallii meetira kuma 5 dubartoota gidduutti halkan sa’aatii 8:25 irratti gaggeeffamuunis Alteet Daawwiit Siyyuum,Lattasanbat Gidayii fi Gudaaf Tsaggayyeen morkii cimaa ni taasiisuun eegamu.

Dorgommii gulaallii meetira 800 dhiiroota gidduutti halkan sa’aatii 9:20 irratti dorgamamuun Atleet Tolasaa Boodanaa fi Eermiyaasa Girmaan marsaa itti aanutti darbuuf morkiin taasiisan ni eegama.

Ityoophiyaan Shaampiyoonaa Atleetiksii Addunyaa 18ffaa Ameerikaa Ooriiganitti gaggeeffamaa jiruun hanga ammaatti Meedaaliyaa Warqee 3 fi Meetii 3 argatteerti.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.