Haalli hongee godinaalee Oromiyaa keessatti mudate jijjiirama qabaachuun ibsame

Finfinnee, Eebla 26, 2015 (FBC)- Haalli hongee godinaalee Oromiyaa keessatti mudatee ture jijjiirama qabaachuu Buusaa Gonofaan Oromiyaa beeksise.

Itti Aanaan Hoggaanaa Buusaa Gonofaa Oromiyaa Obbo Tafarii Bayyanaan, hongeen godinaalee Oromiyaa keessatti mudate baatii tokko as jijjirama argisiisaa jiraachuu Faanaa Biroodkastingi Korpooreetiif himaniiru.

Baatii tokko as roobni godinaalee Oromiyaa hongeen mudatetti roobaa jiraachuu ibsaniiru.

Rooba roobee hordofee beeyladonni hongeef saaxilamanii turan nyaata argachaa jiru jedhan.

Haaluma walfakkatuun rakkoon bishaan dhugaatii naannawaa gammoojjiitti mudatee furamuu fi misoomni qonnaas haala gaariirra jiraachuu eeraniiru.

Hanqinni midhaan nyaataa kan hinfuramne ta’uu eeruun, hanqina kana furuuf Buusaa Gonofaan deeggarsa barbachisaa taasisaa jiraachuu himaniiru.

Nannawaalee Gammoojjii keessatti roobni cimaan jiraachuu waan maluufis hawaasni of eeggannoo akka taasisu Obbo Tafariin dhaamaniiru.

Horsiisee bultoonni carraa argameetti fayyadamuun, bishaan kuufachuun, oomishaalee dafanii qaqqaban oomishuun akka of deeggaran waamicha dhiyeessaniiru.

Namoonni dhuunfaa fi dhaabbiileen garaagaraa akkuma kanaan dura taasiisa turan lammiilee isaaniif deeggarsa karaa Buusaa Gonofaa akka taasisan gaafataniiru.

Tsahaay Gulummaatu gabaase.

#Oromiyaa #Ityoophiyaa

Odeeffannoowwan waqtaawaa dabalataan argachuuf;

Teelegiraama https://t.me/afanoromofana

Yuutiyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Tiwiitara https://twitter.com/fanatelevision nu duukaa bu’aa

Feesbuukii:https://www.facebook.com/afaanoromoofana/

Yeroo maraa nu waliin waan taataniif isin galateeffanna.