Haadha warraa abbaa warraa ishee haala suukkanneessaan ajjeeste irratti hidha cimaan waggaa 21 itti murtaa’e

Finfinnee, Sadaasa 27, 2015(FBC)- Magaalaa Finfinneetti haadha warraa abbaa warraa ishee haala suukkanneessaan ajjeeste irratti hidha cimaan waggaa 21 itti murtaa’uu poolisiin beeksise.

Himatamtuun Kabbabuush Alamuu jedhamtu Kutaa Magaalaa Nifaas Silk Laaftoo aanaa 11tti Bitootessa 14, 2014 abbaa ijoolleeshee lamaa kan ta’e yeroo hedduu na arrabsa jechuun bakka ciisutti haala suukkanneessaan ajjeesuu poolisiin magaalichaa yaadachiiseera.

Dhimmicha hordofaa kan ture Mana Murtii Olaanaa Federaalaatti Dhaddachi Yakka cimaa  Ramaddii 2ffaa Lidataa hidhaa cimaa waggaa 21 itti murteesseera.

Bifuma walfakkaatuun namoota dhuunfaa Iyyaasuu Eerdoofi Maammush Toomaas jedhaman Eebila 23, 2013 kutaa magaalaa Nifaas Silk Laaftoo aanaa 01’tti yakka cimaan lubbuu namaa dabarsaniin hidhaa cimaan waggaa 18 itti murtaa’uu ibsameera.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.