Guutiinsa Bishaanii Marsaa 2ffaa milkiin gaggeessuuf Raayyaan Ittisaa qophii ta’eera Leetanaal Jeneraal Asiraat Denneeroo

Finfinnee, Waxabajjii 27,2013 (FBC) – Guutiinsa Bishaanii Hidha Haaromsaa Marsaa 2ffaa milkiin xumuruuf Raayyaan Ittisaa qophii amansiisaa taasiisuu Walitti Qabaan Komaand Poostii Godina Matakkal Leetanaal Jeneraal Asiraat Denneeroon ibsaniiru.

Leetanaal Jeneraal Asiraat Denneeroon miseensoota Raayyaa Ittisaa ergama itti laatame ba’aa jiran waliin mari’ataniiru.

Ijaarsa hidha haaroomsaa ummaanni Ityoophiyaa marti xiyyeeffannoon hordofaa juru milkiin akka xumuramu miseensonnii fi hoggansi Raayyaa Ittisaa halkanii guyyaa si’oominaan eeggumsaa fi hordoffii taasiisaa jiraachuu eeraniiru.

Yeroo kaa’ameef keessatti akka xumuramu saffisaan hojjetamaa jiraachuu himaniiru.

Wareegama Raayyaan Ittisaa kaffaleen nageenyi godina Matakkaal fooyyaa’aa dhufuu himaniiru.

Hojiin lammiilee qa’ee fi qabeenya isaaniirraa buqqa’an deebisuu fi ijaaruun milkiin xumuramaa jiraachuu dubbataniiru.

Nageenya godinichaa amansiisaa taasiisuuf Raayyaan Ittisaa ergama itti laatame ga’umsaan ba’uutu irraa eegama jedhaniiru.

Jijjiirramni godina Matakkaliitti argame bu’aa ummataa fi Raayyaa Ittisaa ta’uu himuu isaanii ragaan Raayyaa Ittisaarraa argame ni muul’isa.

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.