Gurmaa’insi haaraan ministeerichaa dhimmoota Idil Addunyaa fi haala Siyaasaa ilaalcha keessa kan galchedha jedhame
Finfinnee, Fulbaana 3, 2014 (FBC) – Gurmaa’insii fi hojiin jijjiiramaa haaraan Ministeera Dhimma Alaa dhimmoota Idil Addunyaa fi haala Siyaasa akkasumas naannolee ilaalcha keessa kan galche ta’uu Ministeerri Dhimma Alaa beeksiseera.
Gurmaa’insichi baasii hir’isuun hojii dippiloomaasii bu’a qabeessa hojjechuuf kan xiyyeeffate ta’uu ibsameera.
Hojiin dhaabbaticha bu’a qabeessa taasisuu dandeessisu hojjetamuu Ministeerichatti Daayreektarri Jeneraalaa dhimmoota Afrikaa fi qindeessaan hojii jijjiiramaa Ministeerichaa obbo Akliluu Kabbadaa ibsaniiru.
Hojiileen jijjiiramaa dhaabbatichaa ijoon fooyya’iinsa hojimaata, seera, gurmaa’insaa fi ijaarsa aadaa dhaabbatichaa irratti kan xiyyeeffate ta’uu eeraniiru.
Raawwiin jijjiirramaa gurmaa’insa dhaabbatichaa dhimmoota idil addunyaa fi haala siyaasaa ilaalcha keessa kan galche ta’uu ibsaniiru.
Dabalataanis ergama ministeerichaa ga’umsaan raawwachuuf, baasii hir’isuu fi hojimaata qindaa’aa uumuu dandeessisa jedhaniiru.
Maddi:- TOI
Fuula Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.