Guddinni Itiyoophiyaan galmeessite dinqisiisaadha – Pireezidaanti Puutiin

Finfinnee, Sadaasa 26, 2017 (FMC) – Guddinni Itiyoophiyaan waggoottan darban galmeessite dinqisiisaa ta’uu Pireezidaantiin Raashiyaa Vilaadmiir Puutiin ibsan.

Pireezidaanti Puutiin Fooramii Invastimantii Raashiyaa 15ffaarratti haasawa baniinsaa taasisaniin, hariiroo Afrikaa – Raashiyaa ilaalchisee ibsa kennaniiru.

Afrikaan michuu dhiyoo fi deeggartuu amanamtuudha, ummata ardichaa waliinis hariiroo hunda galeessa qabna jedhan.

Akkaataa gamaaggama ogeeyyii biyyoota lixaa fi idil addunyaan Afrikaan akka ardii abdii guddinaa qabduutti fudhatamti jedhan.

Biyyoonni Afrikaa tokko tokko ammoo guddina addaa galmeessaa jiraachuu kaasuun, Itiyoophiyaan waggoottan darban biyya guddina dinqisiisaa galmeessuun akka fageenyaatti ilaallamtu ta’uudha jedhan.

Itiyoophiyaan waggoottaan kurnan darban keessa guddina % 120 galmeessuu himuun, kun waan addaati jechuu isaanii Ispuutinik gabaasera.

#Oromia #Ethiopia