Godinni Arsii Lixaa deeggarsa Hidha Haaromsaaf Birrii miiliyoona 40 walitti qabuuf hojjechaa jiraachuu eere

Finfinnee, Waxabajjii 19, 2014 (FBC) – Godinni Arsii Lixaa Hidha Guddicha Haaromsa Ityoophiyaatiif Birrii miiliyoona 40 walitti qabuuf hojjechaa jiraachuu beeksise.

Waancaan Hidha Guddicha Haaromsa Itoophiyaa Godina Arsii Lixaatti har’a simatameera.

Wayita simannaa waancichaatti, Itti Aanaan Bulchaa Godina Arsii Lixaa Obbo Asaffaa Tolasaa, ummanni Godina Arsii Lixaa hidhichaaf mallaqaan, humnaan, yaadaa fi beekumsaanis deeggarsaa taasisuudhaan itti gaafatamummaa isaa bahachaa turuu yaadachiisan.

Hojii hanga ammaa deeggarsa walitti qabuuf karoorfame milkeessuu himanii, yeroo hafanitti Birrii miliyoona 40’n gahuuf hojjechaa jiraachuu eeraniiru.

Hidhi Guddicha Haaromsa Ityoopiyaa, hanga xumuramee tajaajilaaf qaqqabutti ummanni godinichaa deegarsa gama hundaan taasisuu akka qabus gaafatan.

Itti Gaafatamtuun Waajjira Dhimmoota Kominikeeshinii Godina Arsii Lixaa Aadde Masarat Laggasaa, deeggarsa hidhichaaf Birrii miliyoona 18.5 walitti qabuuf karoorfamee hanga ammaa Birriin miliyoonni 32 walitti qabamuu himaniiru.

Hawaasni godinichaa FBC yaada kennaniin kan duraanii caalaa xiqiidhaan deeggarsa taasisuun hidha haaromsaa xumuruun hiyyummaa keessaa bahuuf kutannee jirras jedhaniiru.

Xilaahun Yilmaatu gabaase

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutiyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.