Godinichatti lafti heektarri kumni 500 fi kumni 78 ol Qonna Gannaan misoome daawwatame
Finfinnee, Sadaasa 14, 2017 (FBC) – Godina Baaleetti lafti heektarri kumni 500 fi kumni 78 ol midhaan akaakuu adda addaan misoome ogeeyyii miidiyaan daawwatameera.
Ogeeyyiin Miidiyaa Godina Baalee Aanaa Agaarfaatti hojiilee misoomaa sagantaa Maaddii Guutuun hojjetamaa jiran daawwataniiru.
Godinichatti lafti heektarri kumni 500 fi kumni 78 ol sanyiin uwwifamuun Waajjirri Qonnaa godinichaa ibseera.
Kana keessaa lafti heektarri kuma 300 fi kumni 43 qamadiin uwwiifamuun eerameera.
Kana irraas callaan kuntaalli miiliyoona 14 kan eegamuu ta’uu Itti Gaafatamaan waajjira qonna godinichaa Obbo Alii Mahammad himaniiru.
Fatiyaa Abdallaatu gabaase.