Godinichatti Ashaaraa Magariisaan Biqiltuuwwan miiliyoona 274 ol dhaabuuf hojjetamaa jira jedhame

On May 4, 2023 55

Finfinnee, Eebla 26, 2015 (FBC) – Godina Arsii Lixaatti sagantaa Ashaaraa Magariisaa bara kanaan biqiltuuwwan miiliyoona 274 ol dhaabuuf qophiin taasifamaa jiraachuu Waajjirri Qonnaa godinichaa beeksiseera.

Lafa hojiin misooma sululaa irratti hojjetamaa turerra hirmaannaa hawaasaan biqiltuun kan dhaabamu ta’uu eerameera.

Biqiltuuwwan bosonaa, nyaataa fi miidhaginaa kan dhaabbatan ta’uus ibsameera.

Dhaabbichaafis hojiin boolla qopheessuu hojjetamaa jiraachuu waajjirichi ibseera.

Sagantaa Ashaaraa Magariisaa bara darbeetiin biqiloonni dhaabbatan % 80 ol latuu ragaan argame ni mul’isa.

Jibriil Huseenii fi Mariyamaa Baqqalaatu gabaase.

#Oromiyaa #Ityoophiyaa

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.