Godinaalee garaagaraatti pirojektoonni ijaaramaa turan eebbifaman

Finfinnee, Waxabajjii 22, 2015 (FBC)- Godinaalee Oromiyaa garaagaraatti pirojektoonni ijaaramaa turan xumuramuun eebbifamaniiru.

Godina Shawaa Kibba-Lixaa Aanaa Sabbataa Hawaasitti pirojektiin bishaan dhugaatii fi riqichi Birrii miiliyoona 100 fi miiliyoona 5’n ijaaraman eebbifamaniiru.

Sirna eebbicharratti Hooggantuu Biiroo Bishaanii fi Inarjii Oromiyaa Injinar Miiliyoon Baqqalaa fi Hogganaa Biiroo Barnootaa Oromiyaa Dooktar Tolaa Bariisoon argamaniiru.

Haaluma walfakkatuun Godina Qellem wallagaatti piroojeektonni 328 Birrii biiliyoona 1 fi miiliyoona 111 oliin ijaaraman xumuramuun eebbifamaniiru.

Akkasumas Godina Harargee Bahaa Aanaa Gursumitti pirojektoonni Birrii miiliyoona 100 oliin ijaaraman xumuramuun eebbifamaniiru.

Sirna eebbicharratti Hoggaantuun Biiroo Galiiwwan Oromiyaa Aadde Maskaram Dabbabaa fi qondaaltonni naannolee biroon argamuu ragaan Biiroo Kominiikeeshinii Oromiyarra argame ni mul’isa.

#Oromiyaa #Ityoophiyaa

Odeeffannoowwan waqtaawaa dabalataan argachuuf;

Teelegiraama https://t.me/afanoromofana

Yuutiyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Tiwiitara https://twitter.com/fanatelevision nu duukaa bu’aa

Feesbuukii:https://www.facebook.com/afaanoromoofana/

Yeroo maraa nu waliin waan taataniif isin galateeffanna.