Godina Jimmaatti meeshaaleen filannoo marsaa 6ffaaf barbaachisan hundi dhiyaachuu ibsame

Meeshaaleen filannoo naannolee filannoo hunda qaqqabuu fi buufataalee filannootti raabsamaa jiraachuu Qindeessaan Waajjira Boordii Filannoo godina Jimmaa obbo Shariif Abbaagalaan ibsaniiru.

Godinichatti paartileen morkattootaa 7 fi dorgomaan dhuunfaa 1 kan walfalmatan ta’uu ibsaniiru.

Kaadhimamtoonni 33 Mana Maree Bakka Bu’oota Ummataa Federaalaaf, 68 ammoo naannoleef kan dhiyaataniiru jedhan.

Namoonni miiliyoonni 1 fi kumni dhibba 5 fi kuma 58 fi 304 kaardii filannoo fudhachuu ibsameera.

Magaalaa Jimmaa fi Godina Jimmaatti naannoon filannoo 18 fi buufataaleen filannoo kumni 1 fi 583 jiraachuu himaniiru.

Qaamoleen nageenyaa erga galmeen filannoo jalqabee eegalee ummata waliin qindaa’uun hojjechaa jiraachuu Itti gaafatamaan qajeelcha Poolisii Godina Jimmaa Komaandar Dibaabaa Raggaasaan himaniiru.

Afawarq Alamuutu gabaase.

Feesbuukii Keenyan Dabalata Odeeffannoo Waqtaawaa Argachuuf;

Teelegraama Https://T.Me/Afanoromofana

Yuutyuubiihttps://Www.Youtube.Com/C/Fanabroadcastingcorporate/

Marsariitii Fanabc.Com/Afaanoromoo

Twiitara Https://Twitter.Com/Fanatelevision Nu Duukaa Bu’aa

Yeroo Maraa Nu Waliin Waan Taataniif Isin Galateeffanna.