Godina Arsiitti lafa hektaara kuma 300 ol jallisii Boneen Qamadii misoomsuuf hojjetamaa jira jedhame

Finfinnee, Sadaasa 12, 2017 (FBC) – Godina Arsiitti lafa hektaara kuma 300 fi kuma 7 ol jallisii Boneen Qamadii misoomsuuf hojjetamaa jiraachuu Waajjirri Qonnaa godinichaa beeksise.
Godina Arsii Aanaa Zuwaay Dugdaatti facaasaan qamadii jallisii bonee eegalameera.

Akka aanichatti barana lafa hektaara kuma 40 ol qamadii jallisii boneetn misoomsuuf hojjetamaa jiraachuu Itti Gaafatamaan Waajjira Qonnaa Aanaan Zuwaay Dugdaa Obbo Abdulqaadir Abdallaan himaniiru.

Godinichatti bara kana lafa hektaara kuma 300 fi kuma 7 ol qamadii jallisii boneetiin misoomsuun Callaa kuntaalaMiiliyoona 13.8 argachuuf hojjetamaa jiraachuu Itti Gaafatamaan Waajjira Qonnaa godina Arsii Obbo Ganna Muhammad dubbataniiru.

Abdallaa Amaantu gabaase.

#Oromia #Ethiopia