Godina Arsii Lixaatti miseensonni Raayyaa Ittisa biyyaa biqiltuu dhaaban

Finfinnee, Waxabajjii 7, 2015 (FBC) – Godina Arsii Lixaa Aanaa Wondootti miseensonni Raayyaa Ittisa biyyaa hawaasa waliin biqiltuu dhaabaniiru.

Dhaabbii biqiltuu kana dhaabbanni Godinichatti Eegumsa Naannoo irratti hojjatu ANCEDA jedhamuun kan qindeesse yoo ta’u, miseensonni Raayyaa Ittisa Biyyaa Ajaja Kibbaa irratti hirmaataniiru.

Daayrektarri Ijaarsaafi Gabbisa dandeettii Qor-qalbii Ajaja Kibbaa Koloneel Wondiwasan Aasfaaw Raayyaan, birmadummaa biyya tiksuun cinaatti, misooma biyyattiirratti hirmaachuun aantummaa dabalataa agarsiisaa jira jedhan.

Aanaa Wondootti biqiltuuwwan kanaan duura dhaabaman harkii 90 caalan latuu ragaan argame ni mul’isa.

Ashaaraa magariisaa bara kanaanis biqiltuwwan miiliyoona 17 ol dhaabuuf hojjatamaa jiraachuu Itti gaafatamaan Waajjiira Qonnaa aanichaa Obbo Shaambal Tunaan himaniiru.

Aanichatti bara kana heektaara 120 irra biqiltuu dhaabuuf karoorfachuu ibsameera.

Jamaal Kadiirootu gabaase.

#Oromiyaa #Ityoophiyaa

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.