Godina Arsii Lixaatti meeshaaleen filannoof barbaachisan yeroon qaqqabuu ibsame
Finfinnee, Waxabajjii 12, 2013 (FBC) – Godina Arsii Lixaa Aanaa Shaallaatti meeshaaleen filannoo fi meeshaaleen ittisa vaayirasii koronaa yeroon qaqqabuu ibsameera.
Meeshaaleen filannoo kunneeen guyyaa har’aa buufataalee filannoo aanichaa jala jiranitti kan raabsaman ta’uu, Qindeessaan Naannoo Filannoo Siraaroo lakkoofsa 1 obbo Maahaammad Xaahiir Himaniiru.
Aanicha keessaa buufataalee filannoo 80 jiranitti filattoonnii kumni 85 fi 290 galmaa’uu ibsaniiru.
Filannichi nagaan akka xumuramuufis jaarsoliin biyyaa, qeerroo tola ooltota nageenyaa waliin qindaa’uun nageenya isaanii kabajchisaa jiraachuu Itti aanaa Bulchaa Aanaa Shaallaa obbo Abdii Huseen himaniiru.
Hawaasnis filannoo Wiixata dhufuu gaggeeffamurratti dammaqinaan hirmaachuuf qophi isaanii xumuruu FBCtti himaniiru.
Dabalaa Taaddasaatu gabaase.
Feesbuukii Keenyan Dabalata Odeeffannoo Waqtaawaa Argachuuf;
Teelegraama Https://T.Me/Afanoromofana
Yuutyuubiihttps://Www.Youtube.Com/C/Fanabroadcastingcorporate/
Marsariitii Fanabc.Com/Afaanoromoo
Twiitara Https://Twitter.Com/Fanatelevision Nu Duukaa Bu’aa
Yeroo Maraa Nu Waliin Waan Taataniif Isin Galateeffanna.