Godina Addaa Oromiyaa Naannawaa Finfinneetti qaamolee hojii fakkeenyummaa qabu hojjetaniif beekkamtiin kenname
Finfinnee, Fulbaana 27, 2014 (FBC)- Godina Addaa Oromiyaa Naannawaa Finfinneetti qaamolee hojii qonna waliigalaa, misooma jallisii fi sagantaa Ashaaraa Magariisaa akkasumas kunuunsa qabeenya uumamaan hojii fakkeenyummaa qabu hojjetaniif beekamtiin kennamuu ibsameera.
Ogeeyyiin dirree misoomaa, ogeeyyii qonnaa aanaalee fi godinaa, Sektaroonni hojii qonnaa adda durummaan tumsanii fi qonnaan bultoonni adda duree ta’an beekamtii fi badhaasa argataniiru.
Bara darbe xiyyeeffannoo hojii qonnaaf kennameen bu’aan qabatamaan galmaa’uu Bulchaan Godina Addaa Oromiyaa Naannawaa Finfinnee Obbo Girmaa Haayiluu ibsaniiru.
Qonnaan bulaan waggaatti yeroo tokko qofa oomishaa ture waggaatti yeroo lamaa fi isaa ol akka oomishu taasifameera jedhaniiru.
Godinichi bara hojii 2013 tti qonna makaanaayzeeshiniin milkaa’ina guddaa galmeesuu isaa OBN gabaaseera.
Fuula Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Yuutyuubii https://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.