Gareewwan Shororkeessitootaa ABUT fi Shaneen magaalota Kamisee fi Kombolchaatti saamicha qindaa’aa raawwatan- Jiraattota

Finfinnee, Sadaasa 28, 2014 (FBC) – Gareewwan Shororkeessitootaa ABUT fi Shaneen magaalota Kamisee fi Kombolchaatti qabeenya nama dhuunfaa fi mootummaa karaa qindaa’aa ta’een saamuu jiraattonni ibsan.

Gareewwan kunneen Warshaalee, dhaabbilee mootummaa fi miti-mootummaa saamuu fi barbadeessuu jiraattonni magaalota lameenii ibsaniiru.

Midhaan deeggarsa namoomaaf kaa’ame gareewwan shororkeessitoota kanneeniin fe’amanii fudhatamuu eeraniiru.

Saamicha qabeenyaan alatti haleellaan eenyummaarratti xiyyeeffate raawwatamuu jiraattonni kaasaniiru.

Gareewwan shororkeessitootaa kunneen magaalaa Kamiseetti dhalattoota Oromoo fi Amaaraa walitti buusuuf yaaliin taasisanis fashalaa’uu ibsaniiru.

Dabalataanis gareen shororkeessaa ABUT Cifraatti dhaabbilee amantaa garaagaraa barbadeessuu jiraattonni ibsaniiru.

Garichi lammiilee nagaa ajjeesuu, qe’ee fi qabeenyarraa buqqaasuu, manneen jireenyaa dhuunfaa hanga dhaabbilee gurguddoorratti saamicha raawwachuu jiraattonni kunneen riipportara Faanaa Broodkaastiing Koorporeet bakkichatti argamutti himaniiru.

Naannoo keessan eegaa!

Gara adda waraanaatti duulaa!

Raayyaa Ittisa Biyyaa deeggaraa!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.