Gareen shororkeessaa ABUT naannoo Afaar bakkeewwan weeraree turetti miidhaa cimaa geessisuu ibsame

Finfinnee, Sadaasa 29, 2014 (FBC)– Gareen shororkeessaa ABUT naannoo Afaar bakkeewwan weeraree turetti dhaabbilee tajaajila hawaasaarra miidhaa cimaa geessisuu Waldaan Misooma Afaar beeksise.

Garichi naannichatti bakkeewwan weeraree turetti manneen barnootaa waldichi ijaarsise dabalatee manneen barnootaa fi dhaabbilee fayyaa hedduu barbadeessuu hojii raawwachiisaa olaanaan waldichaa obbo Nuuraddiin Saadiq ibsaniiru.

Dabalataan garichi meeshaalee ijaarsa daandii hedduu saamuu kaasaniiru.

Dhaabbilee garichaan barbadaa’an deebisanii dhaabuuf maallaqa guddaa kan gaafatu ta’uu eeraniiru.

Waldichi dhaabbilee barbadaa’an ilaalchisee yeroo dhiyootti qorannoo kan gaggeessu ta’uu ibsuun, akkaataa bu’aa qoranichaan hojiin irra deebiin hundeessuu kan eegalamu ta’uu kaasaniiru.

Bu’uuraalee misoomaa naannichatti barbadaa’an deebisanii dhaabuuf Ityoophiyaanonni hundi ga’ee isaanii akka ba’ataniif waamicha taasisaniiru.

Naannoo keessan eegaa!

Gara adda waraanaatti duulaa!

Raayyaa Ittisa Biyyaa deeggaraa!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.