Gamtaan Awurooppaa ogeeyyii filannoo Ityoophiyaa taajjaban erguuf fedhii qabaachuu beeksiise – Ambaasaaddar Diinaa
Finfinnee, Eebila 30, 2013 (FBC) – Gamtaan Awurooppaa ogeeyyii filannoo Ityoophiyaa taajjaban erguuf fedhii qabaachuu beeksiisuu Dubbii Himaan Ministeera Dhimma Alaa Ambaasaaddar Diinaa Muftiin ibsaniiru.
Gamtichi kana dura taajjabdoota filannoo Ityoophiyaa marsaa 6ffaa taajjaban erguuf karoora qabu haquu beeksiisus, yeroo ammaa ogeeyyii filannicha taajjaban erguu fedhii qabaachuu beeksiisuu isaa Ambaasaaddar Diinaa eeraniiru.
Ambaasaaddar Diinaan miidiyaalee idil addunyaaf dhimmoota haala yeroorratti ibsa laataniiru.
Dhimmoota marii sadee Hidha Haaromsaa, waldhabdee daangaa Ityoo – Sudaanii fi Filannoo biyyaalessaa marsaa 6ffaa irratti xiyyeeffachuun ibsa gaazexeessummaa laataniiru.
Filannoo marsaa 6ffaa Caamsaa 28, 2013 gaggeeffamu taajjaabuuf dhaabbileen biyya keessaa fi alaa gaaffii dhiyeessan filannicha taajjabuuf qophii xummuruu isaanii Ambaasaaddar Diinaan himuu ragaan Waajjira Dubbii Himaa Ministeera Dhimma Alaarraa argame ni agarsiisa.
Feesbuukii keenyan dabalata odeeffannoo waqtaawaa argachuuf; :-www.fanabc.com
Yuutyuubhttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.