Gamoon Kutaa Magalaa Lidataa abbaa darbii 13 ijaarame eebbifame

Finfinnee, Amajjii 8, 2017 (FMC)- Kantiibaan Bulchiinsa Magaalaa Finfinnee Aadde Adaanech Abeebeen Gamoo Kutaa Magaalaa Lidataa abbaa darbii 13 ijaarame eebbisan.

Naannawaa hojii mijataa uumuuf tajaajiloota bakkeewwan garaagaraatti kennamaa turan gara giddugala tokkootti kan fidu, miidhamtoota qaamaaf mijataa, dhamaatii tajaajilaamaa fi tajaajilaa kan hir’isu, galmaa ismaarti sitii kan milkeessan biiroowwan bu’uuraalee misoomaa teeknooloojii guutameef 120, tokkoon tokkoo isaanii tajaajilamtoota 500 hanga kuma 1 fi 500 kan keessummeessu, galmoota walga’ii lama, bakka dhaabbii konkolaataa, bakka shaakala Ispoortii, bakka taphaa fi tursiisa daa’immanii fi bakkeewwan tajaajiloota biroo kan hammate ta’uu Aadde Adaanech gama miidiyaa hawaasummaa isaaniin ibsaniiru.

Bu’uura waadaa ummataaf galmeen gamoon qulqullinaan ijaaramee xumurame kun baasii hir’isuun, qabeenyaa kiraaf baafamaa ture hambisuun, misoomaaf oolchuun akka danda’ame himaniiru.

#Oromia #Ethiopia