Gamaaggamni raawwii hojii Sektera Qonnaa magaalaa Sabbataatti gaggeeffamaa jira

Finfinnee, Waxabajjii 29, 2013 (FBC)- Gamaaggamni raawwii hojii Sektera Qonnaa bara 2013 magaalaa Sabbataatti gaggeeffamaa jira.

Gammagamicharratti kan argaman Hogganaan Biiroo Qonna fi Qabeenyaa Uumamaa Oromiyaa obbo Dhaabaa Dabalee, bara kana raawwiin jajjabeessaa imala badhaadhinaa eegalle dhugoomsuu danda’an sektera qonnaatin raawwatamuu ibsaniiru.

Raawwii kana keessattis ciminoota jiran caalmaatti fufsiisuufi hanqinoota jiran immoo sababa isaanii sirriitti adda baafachuun karoora itti aanu keessatti hojjechuu qabna jedhaniiru.

Biiroon Qonnaa fi Qabeenya Uumamaa Oromiyaa Sekteroota itti waamaman waliin gamaaggama guyyoota lamaaf turu gaggeessuu eegaleera.

Dabalataanis, sekteroonni raawwii hojiiwwan gurguddaafi inisheetiivotaa fi karoora hojii gurguddaa bara 2014 dhiheessuun dhimmoota xiyyeeffannoo barbaadanirratti mar’achuun kallattiin akka taa’u Obbo Dhaabaan ibsuu ragaan Biiroo Qonnaa fi Qabeenyaa Uumamaa Oromiyaarra argamee ni muul’dhsa.

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.