Fooramiin saayinsii, teeknooloojii fi innooveeshinii Afrikaa 2ffaan Zimbaabuweetti gaggeeffamaa jira

Finfinnee, Gurraandhala 17, 2012 (FBC) – Fooramiin saayinsii, teeknooloojii fi innooveeshinii Afrikaa 2ffaa fi fooramiin misooma waaraa Afrikaa 6ffaan Zimbaabuweetti gaggeeffamaa jira.

Fooramichi mata duree “Afrikaan waggoottan kurnaan dhufanitti badhaadhinaan ni jijjiramti” jedhuun magaalaa Viiktooriyaa Foolsitti gaggeeffama jira.

Fooramichi hanga Kamisa dhufuutti kan itti fufu yoo ta’u, Ityoophiyaan ministeera saayinsii fi barnoota olaanoo bakka bu’uun hirmaachaa jirti.

Fooramichi Afrikaatti galma misooma waaraa fi sosochi ajandaa gamtaa afrikaa dhaabbata mootummoota gamtoomanii gamaaggamuu fi muuxannoo gaggaarii wal jijjiirurratti kan kaayyeffatedha.