Fooramii Biiznasii Itiyoo – Moorokoo waloon qopheessuuf waliigalame

Finfinnee, Fulbaana 23, 2016 (FBC) – Itiyoophiyaa fi Moorokoon bara 2024 Fooramii Biiznasii waloon qopheessuuf waliigalaniiru.

Komishinarri Komishinii Invastimanii Lalisee Nameen Itiyoophiyaatti Ambaasaaddara Moorokoo Naashaa Alwiin waliin mari’ataniiru.

Dhimmoota abbootii qabeenyaa Moorokoo hojii Invastimantii Itiyoophiyaarratti hirmaachisuuf dandeessisanirratti mari’ataniiru.

Dabalataan bara Faranjootaa 2024 Itiyoophiyaa fi Moorokoon Fooramii Biiznasii waloon qopheessuun waliigalteerra ga’uu isaanii ragaan Komishinii Invastimantii Itiyoophiyaarraa argame ni mul’isa.