Finfinneetti balaa tiraafikaan lubbuun namoota 3 darbe

Finfinnee, Bitootessa 3, 2016 (FBC)- Magaalaa Finfinnee Kutaa Magaalaa Araadaatti balaa tiraafikaa qaqqabeen lubbuun namoota 3 darbe.

Balichii har’a ganama sa’aatii 12:30tti, kutaa magaalichaa Aanaa 4, naannawa addaa Mana Barnootaa Qalamwarqi jedhamutti kan qaqqabe ta’uun ibsameera.

Balichi, konkolaataan deddeebisaa ummataa minibaasii jedhamu tajaajila geejjiba gabaabaa (taaksii) kennaa ture daandii isaarraa maquun daandii imaltootarraa ba’uun kan uumame ta’uun ibsameera.

Balichaan imaltoonni lafoo lama battalumatti yoo lubbuun darban, balichaaf kan saaxilamee tokkoo erga hospitaalaa ga’ee boqochuun eerameera.

Akkasumaas konkolaachisaa dabalatee namoota 11’rraa miidhaa qaamaa cimaa fi salphaan kan ga’e yoo ta’u, ka’umsi balichaa qoratamaa jiraachuu ragaan Poolisii magalaa infinneerraa argame ni mul’isa.

#Oromia #Ethiopia