Fiild Maarshaal Birihaanuu Juulaan sirna kabaja Raayyaa Ittisaa Ugaandaa 41ffaarratti hirmaataniru

Finfinnee, Gurraandhala 5, 2014 (FBC) – Itaamaajoor Shuumiin Waliigalaa Humna Raayyaa Ittisaa Fiild Maarshaal Birihaanuu Juulaan affeerraa Preezdaantiin Ugaandaa Yuuweerii Muuseeviinii taasiisaniifiin sirna kabaja Raayyaa Ittisaa Yuugaandaa 41ffaarratti hirmaataniru.

Fiild Maarshaal Birihaanuu Juulaan affeerraa isaanii kabajuun sirnicharratti argamuu isaaniin Preezdaant Yuuweerii Muuseeviiniin galateeffataniiru.

Fiild Maarshaal Birihaanuu Juulaanis ergaa baga gammaddanii dabarsaniiru.

Sirna kabaja ayyaannichaarratti kana argaman Itaamaajoor Shuumii Waliigalaa Humna Raayyaa Ittisaa Ugaandaa, Burrundii, Moozaambik, Sudaan Kibbaa, Rippaabilka Diimookiraatawaa Koongoo fi Itti aanaa Itaamaajoor Shuumii Waliigalaa Humna Raayyaa Ittisaa Keeniyaa waliin dhuunfaan wal arguun mari’ataniiru jedhame.

Hariiroo waloo, dhimmoota waqtaawaa fi dhimmoota tumsaan hojjechuun barbaachisurratti mari’achuu isaanii ragaan fuula feesbuukii Raayyaa ittisaarraa argame ni muul’isa.

Ityoophiyaa :- Haa Misoomsinu, Haa Ijaarru, Haa qophoofnu!!!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.