Fiigicha Kiiloo Meetira 10 Maadriditti fiigameen dhiiraan Atileet Daawwit Waldeen yoo injifatu, dubartootaan Atileet Xirunash Dibaabaan 3ffaan xumurte
Finfinnee, Caamsaa 25, 2016 (FBC) – Fiigicha daandirraa Kiiloo Meetira 10 Ispeen magaalaa Maadriditti fiigameen dhiiraan Atileet Daawwit Waldeen yoo injifatu, dubartootaan Atileet Xirunash Dibaabaan sadarkaa 3ffaan xumuruu ibsameera.
Xirunash fageenyicha daqiiqaa 30:03 xumuruun 3ffaa yoo baatu, dorgommii Atileetoota dhiiraa gidduutti gaggeeffameen ammoo Atileet Daawwit Waldeen daqiiqaa 26:55 xumuruun injifateera.