Fayyadamummaa oomishtoota bunaa fooyyessu Waldaan Biyyaalessa Buna Ityoophiyaa hundaa’e

Finfinnee, Mudde 11, 2015 (FBC) – Fayyadamummaa Oomishtoota Bunaa fooyyessuuf Waldaan Biyyaalessaa Buna Ityoophiyaa ifatti hundaa’eera.

Waldaaleen kutaalee biyyattii garaagaraatti Damee Bunaarratti bobba’an 5 walitti dhufuun waldaa Biyyaalessaa kana hundeessuu ibsameera.

Waldichi Onkololeessa 17, 2015 eegalee beekkamtii seeraa argachuu Pireezidaantiin Waldichaa Dooktar Huseen Amboon ibsa har’a laataniin ibsaniiru.

Oomishtoota Bunaa fayyadamoo taasiisuuf damichaan hudhaalee jiran adda baasuun furmaata isaaf kan hojjetu ta’uu dubbataniiru.

Bunni Ityoophiyaa qulqullina idil addunyaa haala eegeen akka oomishamu qooda fudhattoota waliin qindoominaan hojjeta jedhan.

Waldaan Oomishtoota Buna Ityoophiyaa, waldaan ergitootaa fi Oomishtootaa, Waldaan Dubartoota Buna Ityoophiyaa, Waldaan qopheessaa fi Dhiyeessa Bunaa Oromiyaa, Waldaan qopheessaa fi Dhiyeessa Bunaa Sidaamaa fi Waldaan Qindeessaa fi Dhiyeessa Buna naannoo Kibbaa waliin ta’uun waldicha hundeessuu ibsameera.

Maddi:- TOI

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.