Duulli Talaallii Pooliyoo Godinaalee Oromiyaa garaagaraatti eegale
Finfinnee, Onkololeessa 12, 2014 (FBC) – Duulli Talaallii Pooliyoo marsaan jalqabaa Godinaalee Oromiyaa garaagaraatti eegaluu ibsame.
Godina Iluu Abbaa Booritti marsaa 1ffaan daa’imman kuma dhibba 1 fi kuma 83 oliif kennuuf Magaalaa Mattuuti duulli talaallichaa har’a eegaleera jedhame.
Itti gaafatamaan Waajjira Eegumsa Fayyaa Godina Iluu Abbaa Boor obbo Magarsaa Maammoo duula kanaan daa’imman kuma dhibba 1 fi kuma 83 oliif Aanaalee godinichaa hunda keessatti laachuuf hojiin eegalamuu ibsaniiru.
Godina Buunnoo Beddelleettiis duulli talaallii Pooliyoo marsaa 1ffaa daa’imman waggaa shanii gadii kuma dhibba 1fi kuma 50 oliif kennuuf eegalamuu Waajjiri Eegumsa Fayyaa Godina Godina Buunnoo Beddellee beeksise.
Talaallichi Aanaalee godinichaa 9 fi Bulchiinsa magaalaa 1 keessatti kennamu eegaluu ibsameera.
Maatiin daa’imman isaanii akka talaalichisan waamichi dhiyaachuu OBN gabaaseera.
Fuula Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna