Duula Ashaaraa Magaariisaa guutuu Oromiyaatti boru gaggeeffamu milkeessuuf hundi tumsuu qaba – obbo Shimallis Abdiisaa

Finfinnee, Adooleessa 5, 2013 (FBC) – Duula Ashaaraa Magaariisaa guutuu Oromiyaatti guyyaa boruu gaggeeffamu milkeessuuf qaamni hundi tumsuu akka qabu Preezdaantiin mootummaa naannoo Oromiyaa obbo Shimallis Abdiisaan waamicha dhiyeessan.

Guyyaa boru akka Oromiyaatti biqltuun miiliyoona dhibbi 3 fi miiliyoonni 50 ol dhaabbamuuf qophiin Xumuramuun himameera.

Duula Dhaabbii biqiltuu boru gaggeeffamu ilaalchisee Preezdaantiin Mootummaa Naannoo Oromiyaa obbo Shimallis Abdiisan ibsa laataniiru.

Dhaabbii biqiltuu akka biyyaatti karoorfame milkeessuun, Oromiyaan magriisaa fi jireenyaaf mijattuu taasiisuuf qaamni hundi tumsa gochuu akka qabu ibsaniiru.

Mootummaan Naannoo Oromiyaa biqiltuu biliyoona afur dhaabuuf karoorfate keessaa hanga ammaatti biqiltuu biliyoonnii 1.9 dhaabuu himaniiru.

Biqiltuu dhaabuu fi kunuunsuun duudhaa ganamaa ummata Oromoo waan ta’eef, hawaasni biqiltuu dhaabe kunuunsuu akka qaba jedhan Preezedaant Shimallis dhaamaniiru.

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.