Du’aatii haadholii dhangala’uu dhiigaatin dhufuu hambisuuf qooda fudhattoonni ga’ee isaanirra eegamu ba’uu akka qaban dhaamame

Finfinnee, Amajjii 17, 2014 (FBC)-Du’aatii haadhoolii sababa dhangala’uu dhiigaa da’umsaan booda uumamuun gahu ittisuuf qooda fudhattoonni gaheerraa eegamuu bahuu akka qaban dhaamameera.

Bulchiinsa Magaalaa Finfinneetti sosochiin ji’a haadhoolii fayyaa ,akka addunyaatti yeroo 35ffaaf, akka biyyaatti yeroo 16ffaa fi akka magaalaatti yeroo 9ffaaf kabajama jira

Sosochiin kunis mata duree ” haala kamiinuu du’aatii haadhoolii dhangala’uu dhiigaa da’umsaan booda uumamuun gahu harka walqabannee haa ittisnu!” jedhuun kabajamaa jira.

Saganticharratti Ministir deetaan Ministeera Fayyaa  Dooktar Darajjee dhugumaa fi gaggeessitoonni bulchiinsa magaalichaa sadarkaa magaalaatti hospitaala haadhoolii fi daa’iimmanii Abbabach Goobanaatti eegalchiisaniiru.

Dooktar Darajjee Dhugumaa haasaa taasisaniin, du’aatiin haadholii hambisuuf mootummaan xiyyeeffannaa addaa kennuun hojjechaa akka jiru eeruun hojii hanga yoonaa hojjetameen jijjiramni jiraatuus ammas waggaatti haadhooliin kumni 11 ta’an sababa dhangal’uu dhiigaatiin lubbuun darbaa waan jiruuf du’aatii haadhoolii hambisuuf hawaasni fi qooda fudhattoonni hundi gahee irraa eegamu bahuu qabu jedhaniiru.

Hogganaan Biiroo Fayyaa Magaalaa Finfinnee Dooktar Yohaannis Caalaa gama isaaniitiin du’aatii haadhoolii ittisuuf bulchiinsi magaalichaa hojjechaa akka jiru eeraniiru.

Tajaajila da’umsaa baqaqasanii yaaluu hospitaaloota kessatti kennamuun ala dabalataan bufataaleen fayyaa 15 tajaajila da’umsaa baqaqsanii yaaluu akka kennan godhamuu dubbataniiru jechuun OBN gabaaseera.

Ityoophiyaa :- Misoomsuuf, Ijaaruuf, Yaa qophoofnu!!!!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.