Dorgommii Shaampiyoonaa Atileetiksii Addunyaan har’a fiigichi xumuraa Atileetoonni Itiyoophiyaa iinjifannoof itti eegaman 4 ni gaggeeffamu
Finfinnee, Hagayya 24, 2016 (FBC) –Dorgommii Shaampiyoonaa Atileetiksii Addunyaa umrii waggaa20 gadii Peeruu magaalaa Liimaatti gaggeeffamaa jiruun har’a fiigichi xumuraa Atileetoonni Itiyoophiyaa injifannoof itti eegaman 4 ni gaggeeffamu.
Fiigicha tarkaanfii meetira kuma 10 galgala sa’aatii 12:25 irraa jalqabee dubartoota gidduutti fiigamuun Atileet Hiwaat Ambaawuu fi Birhaanuu Muluun Itiyoophiyaa bakka bu’uun ni hirmaatu.
Fiigichi xumuraa meetira 800 halkan sa’aatii 6:35 irraa eegalee Atileetoota dhiiraa gidduutti fiigamuun ammoo Atileet Jeneraal Birhaanuun morkii cimaa taasiisaan eegama.
Haaluma walfakkaatuun fiigicha xumuraa meetira 800 halkan sa’aatii 6:50 irraa eegalee Atileetoota dubartootaa gidduutti fiigamuun Atileet Asteer Areereen Itiyoophiyaa bakka bu’uun ni dorgomti.
Akkasumas fiigicha meetira kuma 3 halkan sa’aatii 7:45 irraa jalqabee dubartoota gidduutti fiigamuun Atileet Maartaa Alamaayyoo fi Alleshinyi Baawaqaan tilmaama injifannoo argataniiru.