Dooniin Xaa’oo biyyoo kuntaala kuma 545 feete Buufata Jibuutii qaqqabuun ibsame
Finfinnee, Waxabajjii 23, 2016 (FBC)- Dooniin Xaa’oo Biyyoo NPS Booroon kuntaala kuma 545 feete buufata Jibuutii qaqqabuu Koorporeeshiniin Hojiile Qonnaa Itiyoophyaa ibse.
Koorporeeshinichi bara oomishaa 2016/17 xaa’oo biyyoo alarraa galchaa jiru kuntaala miiliyoona 17 fi kuma 494 fi 840’tti guddachuu beeksiseera.
Hanga Waxabajjii 23, 2016’tti xaa’oo kuntaala miiliyoona 15 fi kuma 278 fi 943 Buufata Doonii Jibuutii qaqqabe geejjibsiifamuun gama Waldaalee Hojii Gamtaa Bu’uuraan qonnaan bultootaaf dhiyaachaa jiraachuun eerameera.
Gama biraatiin, Dooniin xaa’oo NPS Booroon kuntaala kuma 785 fi 980 Adoolessa 9, 2016 Buufata Jibuutii akka qaqqabdu eeramuu ragaan koorporeeshinicharraa argame ni mul’isa.
#Oromia #Ethiopia