Doolaarri Ameerikaa, Yuuroo fi Paawundii karaa seeraan alaa daddabarfamaa turan to’atamaan

Finfinnee, Caamsaa 23, 2013 (FBC)- Finfinneedha gara Moyaaleetti daddabarfamaa kan turan Doolaarri Ameerikaa, Yuuroo fi Paawundii to’atamaaniiru.

Maallaqni seeraan alaa kun eeruu hawaasaa fi hordooffii poolisii magaalaa Shaashimanneetin to’annaa jala kan oolaan yoo ta’uu, sharafaa alaatin Birrii miiliyoona 44 ta’aa jedhameera.

Doolaarri Ameerikaa kumni dhibbi 4 fi kumni 73 fi 770, Yuuroo kumni dhibbi 3 fi kumni 93 fi 660 fi Paawundii kumni 39 fi 675 konkolaataa keessaatti to’annaa jala ooleera.

Magaalaa Shaashimannee ganda 05 bakka Moobiil jedhamuutti konkolaachisaan dhoksee daddabarsuuf yaalii taasisaa ture hordooffii fi sakattoo poolisiin taasiseen shakkamtoonni lamaa to’atamaniiru.

Itti gaafatamaan dhimmoota Kominikeeshinii Qajeelcha Poolisii Magaalaa Shaashamannee Inispeektar Taammiraat Abbabaa Faanaa Broodkaastiing Koorporeetti akka himaniitti, konkolaaticharratti sakkattoon dabalataa taasifamee maallaqni argamee Baankii Daldalaa Ityoophiyaa damee Shaashimanneetti lakka’amaa jira jedhaniru.

Maallaqni to’annaa jalaa fi kaayyoon isaa maal akka ta’ee garee qorannoo gurmaa’een qulqulleessaa jiraachuu himaniiru.

Haayilaayesuus Siyyuumtu gabaase

Fuula Feesbuukii keenyan dabalata odeeffannoo waqtaawaa argachuuf; :-www.fanabc.com

Yuutyuubiihttps://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.