Dooktar Abiy Warshaa Simmintoo Lammii guyyaatti kuntaala kuma 150 oomishu eebbisan

Finfinnee, Fulbaana 18, 2017 (FBC)- Ministirri Muummee FDRI Dooktar Abiy Ahimad Warshaa Simmintoo Lammii guyyaatti kuntaala kuma 150 oomishu eebbisiisan.

Dooktar Abiy gama miidiyaa hawaasummaa isaaniin akka ibsanitti, pirojektiin meeggaan kun ejjenoo cima mootummaan saffisaan, baay’inaa fi qulqullinaan ijaaruu qabate kan argisiisuudha.

Bu’uuraalee misoomaa hedduu murtessoo ta’an saffisaa fi ga’umsaan xumuruun tajaajilaaf qaqqabsiisuuf fakkeenya ta’uu kaasaniiru.

Kunis yeroo ammaa sadarkaa biyyaalessaatti warsaalee walfakkaataa jiranitti dabalamuun %50 akka oomishuuf qaamolee hirmaannaa taasisaaniin baga gammadan jedhaniiru.

Waggoota lamaan booda wayita naannawaa warshichi ijaarame dhaqan qajeeltoowwan hoggansaan saffisa naannawaa hojichaan raajamuu kaasan.

Pirojektichi hojiilee cimoo akkanaan dhaloonni dhufu hiyyummaa akka hindhaalleef, guddinaa fi badhaadhinaaf ce’umsaa gaarii akka eeggatu kan argisiisu ta’uu dubbataniiru.

Pirojektoota indastirii akka warshaa simmintoo lammii biyyattiitti yoo babal’isne, carra hojii fi guddina biyyaalessaarratti bu’aan argamu olaanaa akka ta’us himaniiru.

Keessumaa oomisha sibiilaan, xaa’oo, indaastiriiwwan guguddaa fi warraqsa qonnaan dhiibbaan uumamu olaanadha jedhaniiru.

Biyyoota akka Itiyoophiyaa qormaatileen raasan furmaatawwan sadarkaa olaanaa barbaachisa jedhanii, mootummaa fi dameen dhunfaa walta’iinsa waloo yoo qabaatan qabeenyaa fi carraalee jiran fayyadamuuf akkasumas rakkoolee hudhaa ta’an furuuf furtuu ta’uu ibsaniiru.

Hojiilee invastimantii walfakkaatan irratti bobba’uun jireenya lammiilee hedduu fooyyessuu fi kabajaan akka jiraatan taasisuun akka danda’amuus akeekaniiru.

#Oromia #Ethiopia