Diyaaspooronni damee teekinooloojii diijitaalaan biyya isaanii deeggaruuf qophii ta’uu ibsan

Finfinnee, Muddee 28, 2014 (FBC)- Ityoophiyaanonnii fi dhalattoonni Ityoophiyaa waamicha gara biyyaa dhufan damee teekinooloojii diijitaalaan biyya isaanii deeggaruuf qophii ta’uu ibsan.

Diyaaspooraawwan kunneen Ministir Deetaa Ministeera Innooveeshinii fi Teeknooloojii Huuriyaa Alii waliin mari’ataniiru.

Qulqullina fi sadarkaa tajaajila teeknooloojii diijitaalaa eegsisuuf gama nageenya diijitaalaa, diijitaal oodiitii fi kalaqa diijitaalaan beekumsa qaban biyya isaaniif qooduuf qophii ta’uu eeraniiru.

Ogeessota damichaa fi dhalattoota Ityoophiyaa Ameerikaa jiraatan qindeessuun deeggarsa kan taasisan ta’uu kaasaniiru.

Ministir Deetaan Ministeera Innooveeshinii fi Teeknooloojii Huuriyaa Aliin biyya isaanii teeknooloojiin deeggaruuf dhufuu isaaniif galateeffachuun Istiraateejii Diijitaala Ityoophiyaa 2025 irratti ibsa taasisuufii ragaan Ministeera Innooveeshinii fi Teeknooloojiirraa argame ni mul’isa.

Ityoophiyaa :- Misoomsuuf, Ijaaruuf, Yaa qophoofnu!!!!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.