Diinagdeen Itiyoophiyaa Saffisaan guddachaa jira-Shaangucheen Zhingi
Finfinnee, Sadaasa 26, 2017 (FBC)- Diinagdeen Itiyoophiyaa saffisaan guddachaa jiraachuu Daayrektarri Itti Aanaa Dhaabbata Daldalaa Addunyaa Shaangicheen Zhingi ibsan.
Ministirri Ministeera Daldalaa fi Walitti Hidhamiinsa Naannawaa Dooktar Kaasaahuun Goofeen Daayrektara Itti Aanaa Dhaabbata Daldalaa Addunyaa Shaangicheen Zhingi waliin Siwiizarlaandi Magaalaa Geeneevaatti mari’ataniiru.
Marii isaaniiin, dhimmoota miseensummaa garee hojii irraa Dhaabbata Daldalaa Addunyaa 5ffaa dhiyeenyatti gaggeessuuf jirturratti mari’ataniiru.
Shaangicheen Zhingi akka jedhanitti Itiyoophiyaan biyya guddina diinagdee saffisaa galmeessaa jirtuudha.
Itiyoophiyaan miseensa Dhaabbata Daldalaa Addunyaa ta’uun carraalee gabaa addunyaa dabalataan kan uumuu ta’uu kaasaniiru.
Kanaafis deeggarsa barbaachisaa akka taasisan mirkaneessuu ragaan ministeericharraa argame ni mul’isa.
#Oromia #Ethiopia