Dhiyeessii oomisha daldala alaa cimsuuf, gabaan oomishaalee 3 karaa Gabaa Oomisha Ityoophiyaa akka ta’u murtaa’e
Finfinnee, Adoolessa 13, 2012 (FBC) – Dhiyeessii oomisha daldala alaa cimsuuf, gabaan oomishaalee 3 karaa Gabaa Oomisha Ityoophiyaa akka ta’u murtaa’e.
Gabaan Oomisha Ityoophiyaa oomishaalee walbichiisaa tureen dabalata, oomishaaleen sadi karaa isaatin gabaadhaf akka dhiyaatan murtaa’era.
Ministeerri Daldalaa fi Indaastirii akka beeksisetti oomishaaleen sadan; atara makoodii, boloqqee buburree diimaa fi piintoo biinidha.
Oomishaaleen sadan Fulbaana 1,2013 eegalee karaa Gabaa Oomisha Ityoophiyaatin kan walbichisiifaman ta’a.
Murtichi sharafa alaa guddisuuf kan kaayyeffatedha jedheera ministeerichi.