Dhaabbileen lameen kaffaltiin tajaajila galmeessaafi eeyyamaa daldalaa gama Teeleebirriin akka ta’u waliigalan
Maamiltoonni gama Teeleebirriin kaffaltii dabalataa malee bakka jiranirraa kaffaltii tajaajila galmeefi eeyyama daldalaa raawwachuu kan danda’an ta’uu ibsameera.
Waliigaltichi dadhabbiifi dhamaatii maamiltootaa ni hir’isa jedhanii kan amanan ta’uu Ministirri Ministeera Daldalaafi Walitti Hidhamiinsa Naannawaa Obbo Gabramasqal Caalaan ibsaniiru.
Hojii Raawwachiistuun Ity—telekoom Fireehiywat Taammiruu gamasaaniin, Ityoo-telekoom dhaabbileen teekinooloojiin deeggaramanii adeemsa hojimaataa gaarii akka qabaataniif hojjechaa jiraachuu eeraniiru.
Maamiltoonni kaffaltiiwwan gama Teeleebirriin raawwachuun tajaajila mijataafi si’ataa akka argatan taasisuun isa tokko ta’uu eeraniiru.
Gara fuuladuraattis Ministeericha waliin kan hojjetan ta’uu kaasaniiru.
Dhaabbileen 87 ol gama Teeleebirriin kaffaltiiwwan garaagaraa raawwachaa jiraachuu yaadachiisaniiru.
Saamu’eel Warqaayyahutu gabaase.
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.