Dhaabbileen ijaarsaa  hidha jallisiirratti hirmaatan simmintoo kallattiin warshaaleerraa akka fudhataniif waliigalteerra ga’ame

Finfinnee, Amajjii 16, 2014 (FBC) – Ijaarsi hidhawwan jallisii addaan akka hin ciccinnee fi ariitiin akka xumuramaniif dhaabbileen ijaarsaa  hidhawwan jallisiirratti hirmaatan simmintoo kallattiin warshaaleerraa akka fudhataniif waliigalteerra ga’amuu Ministeerri Albuudaa beeksise.

Hanqina simmintoo ijaarsa hidhawwan jallisii naannoowwan gammoojjii Ityoophiyaatti ijaaramaa jiranii ilaalchisee Ministirri Ministeera Albuudaa Injinar Taakkalaa Uumaan fi Ministirri Ministeera Jallisii fi Naannoowwaa Gammoojjii Injinar Ayishaa Mahaammad  oomishtoota simmintoo waliin mari’achuu Injinar Taakkalaan ergaa gama miidiyaa hawaasummaasaaniin dabarsaniin ibsaniiru.

Ijaarsi hidhawwan jallisii addaan akka hin cinnee fi ariitiin akka xumuramaniif dhaabbileen ijaarsaa simintoo warshaaleerraa kallattiin haala fudhachuu danda’anirratti oomishtoota simmintoo waliin waliigalteerra ga’uu eeraniiru.

Ityoophiyaa :- Haa Misoomsinu, Haa Ijaarru, Haa qophoofnu!!!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.