Dhaabbilee boba’aa seera hin kabajnerratti Tarkaafiin cimaan ni fudhatama-Ministeericha

Finfinnee, Sadaasa 18, 2017 (FBC)-dhaabbilee boba’aa seeraa fi sirna diriirfame kabajanii hin hojjennerratti tarkaafiin cimaan kan fudhatamu ta’uu Ministirri Ministeera Daldalaa fi Walitti Hidhamiinsa Naannawaa Dooktar Kaasahuun Goofeen ibsan.

Dooktar Kaasahuun, rakkoo dhiyeessi boba’aa, raabsaa fi galteerratti mul’atanirratti dhaabbilee raabsitoota boba’aa waliin mari’achuu toora miidiyaa hawaasummaa isaaniin ibsaniiru.

Boba’aa seeraan ala gabaaf dhiyeessuu, gurgurtaa Barmeelaa, boba’aan osoo jiru hin jiruu jechuun maxxansuu fi seeraan ala halkan gurguruun rakkoolee mul’atan ta’uu kaasaniiru.

Haaluma kanaan Dhaabbilee boba’aa seera kabajanii hin hojjenerratti tarkaanfiin cimaan kan fudhatamu ta’uu dubbataniiru.