Daldala Alaa damee Hortiikaalcheriirraa galiin Doolaarri miiliyoonni 200 fi miiliyoonni 16 ol argame
Finfinnee, Mudde 24, 2017 (FMC) – Baatiwwan shanan darban keessa Daldala Alaa damee Hortiikaalcheriirraa galiin Doolaarri miiliyoonni 200 fi miiliyoonni 16 ol argamuu Ministeerri Daldalaa fi Walitti Hidhamiinsa Naannawaa beeksise.
Baatiwwan shanan darban damicharraa galiii Doolaara miiliyoona 200 fi miiliyoona 64 fi kuma 500 ol argachuuf karoorfamee Doolaarri miiliyoonni 200 fi miiliyoonni 16 ol argamuu ibsameera.
Oomisha Abaaboo Toonii kuma 45 fi 878 alatti arguun Doolaaraa miiliyoona 200 fi miiliyoona 20 fi kuma 500 ol argachuuf karoorfamee Toonii kuma 39 fi 225 erguun Doolaarri miiliyoonni 100 fi miiliyoonni 86 fi kumni 300 ol argamuu eerameera.
Akkasumas Kuduraa fi Fuduraa Toonii kuma 100 fi kuma 21 ol gabaa alaaf dhiyeessuuf karoorfamee Toonii kuma 71 fi 305 erguun Galiin Doolaarri kumni 30 fi kumni 200 fi kumni 94 ol argamuu himameera.
Oomishaaleen kunneen harki caalu Neezarlaandi, Saa’uud Arabiyaa fi Ameerikaatti ergamuu ragaan Ministeera Daldalaa fi Walitti Hidhamiinsa Naannawaarraa argame ni mul’isa.
#Oromia #Ethiopia