Daawwannichi filmaatawwan invastimantii akka hubannu nu taasiseera-Jila Saa’udii

Finfinnee, Caamsaa 30, 2016 (FBC)-Itiyoophiyaatti daawwannaa invastimantii taasisaniin damee invastimantii biyyaattii hubachuuf carraa uumuu Jilli Bizinasii fi Invastimantii Saa’ud Arabiyaa ibse.

Komishiniin Invastimantii Itiyoophiyaa Magaalaa Bishooftuutti miseensota jilichaaf dhaabbata Oomishaa Nyaataa Beeyladootaa Alamaa Kaawudaayis daawwachiiseera.

Oomishaalee fi adeemsa oomishaa dhaabbatichaa kan daawwatan yoo ta’u, daawwannichi damee invastimantiin carraalee jiran hubachuuf haala mijataa uumuu himan.

Jillii bizinasii fi invastimantii Saa’ud Arabiyaa miseensota 79 hammate Itiyoopiyaatti filmaatawwan invastimantii garaagaraa kan daawwatee yoo ta’u, hoggantoota seektaraalee garaagaraa waliinis mari’ateera.

Ministira Muummee FDRI Dooktar Abiy Ahimad waliinis mari’achuun isaanii ni yaadatama.

#Oromia #Ethiopia