Daandiin Qilleensichaa komiiwwan ka’an qorachuun tarkaanfii sirreeffamaa akka fudhatu beeksise
Finfinnee, Bitootessa 3, 2016 (FBC)-Daandiin Qilleensaa Itiyoophiyaa komiiwwan ka’an qorachuun tarkaanfii sirreefamaa akka fudhatu beeksiseera.
Tibbana kenniinsa tajaajila imaltootaa Buufata Xiyyaaraa Idil Addunyaa Booleen walqabatee miidiyaalee hawaasummaa garaagaraan komiiwwan ka’aa jiraachuu hubachuu eereera.
Yaada maamiltootarraa ka’aniif xiyyeeffannaa akka kennu kan beeksise dandichi komiiwwan ka’an qorachuun furmaata kennuuf qamolee buufatichatti tajaajila kennan biroo waliin ta’uun komiiwwan ka’an qorachaa jiraachuu beeksiseera.
Bu’aa qorannichaarratti hundaa’uun tarkaanfiin sirreeffamaa hatattamaan akka fudhatamu kan taasisu ta’uu akeekuu ragaan Daandii Qilleensichaarra argame ni mul’isa.