Daandiin Qilleensa Ityoophiyaa Xiyyaara fe’umsa Booying 777-8 Freighter bituuf waliigaltee mallatteesse

Finfinnee, Gurraandhala 26, 2014 (FBC) – Daandiin Qilleensa Ityoophiyaa Xiyyaara fe’umsa Booying “777-8 Freighter” jedhamu  bituuf dhaabbata Booyiing waliin waliigaltee mallatteessuu ibsame.

Waliigaltechi fedhii tajaajila fe’umsaa kaargoo sadarkaa idil addunyaatti dabalaa dhufeerraa fayyadamaa kan taasisuu fi guddina daandiin qilleensichaa galmeessisaa jiru kan mirkaneessuu ta’uu ibsameera.

Damee Aveeshiniin Afrikaarraa sadarkaa duraarra jiraachuu fi Xiyyaara fe’umsaa haaraa, ammayyaa fi boba’aa qusatu dhaabbata Booyiingirraa bituuf waliigaltee mallatteessuu Hojii raawwachiisaa olaanaan Garee Daandii Qilleensa Ityoophiyaa obbo Tawaldee Gabramaariyaam ibsaniiru.

Xiyyaarri fe’umsaa Booyiing 777-8F kunis tajaajila kaargoo daandii qilleensichaa guddachaa dhufe babal’isuun bakka ga’umsaa idil addunyaa 66 jiran guddusuuf kan gargaaru ta’uu ibsuu isaanii ragaan Daandii Qilleensichaarraa argame ni mul’isa.

Ityoophiyaa :-  Haa Misoomsinu,  Haa Ijaarru, Haa qophoofnu!!!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.