Daakuu Xaafii muka soofamaan makuun raabsuuf kan turan to’ataman

Finfinnee, Caamsaa 3, 2015 (FBC)- Namoonnni daakuu Xaafii wantoota fayyaa namaarraan miidhaa geessisanii fi muka soofamaa (‘Sagaatura’) waliin makuun hawaasaaf raabsuuf kan turan to’annoo jala oolfaman.

Poolisiin Magaalaa Finfinnee, namoota gochaa seeraan alaarratti bobba’aan mankuusaa Kutaa Magaalaa Kolfee Qaraaniyoo Aanaa 1tti to’annoo jala oolchuu beeksiseera.

Mankuusaa keessatti wantoota maalummaan isaani hinbeekamne kuntaala 47 fi muka soofamaa kuntaala 167, daakuu Xaafiin waliin tuulamee argamuu eerameera.

Daakuu Xaafii waliin kan maku hojjetaa mankuusaa keessatti itti cufame, sakatta’aa taasifameen to’atachuus beeksiseera.

Eeruu hawaasa naannawaarraa qaqqabeen namoota gochicharratti bobba’an harkaa fi harkatti to’achuun qorannoo barbaachisaa taasisaa jiraachuu ragaan Poolisii Magaalattiirraa argame ni mul’isa.

Daldalttoota seeraan ala, qaxxaamuraan duroomuuf yaalan hawaasni wayita argu saaxiluun deeggarsa taasisaa jiru cimsee akka itti fufu waamicha dhiyeesseera.

#Oromiyaa #Ityoophiyaa

Odeeffannoowwan waqtaawaa dabalataan argachuuf;

Teelegiraama https://t.me/afanoromofana

Yuutiyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Tiwiitara https://twitter.com/fanatelevision nu duukaa bu’aa

Feesbuukii:https://www.facebook.com/afaanoromoofana/

Yeroo maraa nu waliin waan taataniif isin galateeffanna.