Bulchiinsonni afur Raashiyaatti dabalamuuf murteeffatan

Finfinnee, Fulbaana 18, 2015 (FBC) – Dooneskii, Luhaaniskii, Keersoon fi Yuukireen kibbatti kan argamtu Zaamporoozhiyaan gara Raashiyaatti dabalamuu akka barbaadan riifirandamii gaggeeffameen mirkaneessan.

Lakkaawwiin kenniinsa sagalee Luhaaniskiitti gaggeeffame kan xumurame yoo ta’u, jiraattonni %98 gara Raashiyaatti cituu akka barbaadaan murteeffachuun ibsameera.

Haaluma walfakkaatuun jiraattonni Doondeski %99 gara Raashiyaatti dabalamuuf akka barbaadan sagalee lakkaa’ameen beekuun akka danda’ame eerame.

Zaamporoozhiyaa fi Keersoonis haaluma walfakkaatuun %93 fi %87’n Yuukireen jalaa ba’anii Raashiyaatti makamuu akka barbaadan sagalee kennaniiru.

Naannoleen haaraa dhufan kunneen Raashiyaatti daangeffamuuf beekamtii paarlaamaa fi Pireezidaantii Biyyattii Vilaadmiir Putiin argachuu akka qaban RT’n gabaaseera.

Dubbii Himaan Kireemliin Dimiitirii Peeskoov, murtechi kan ummataa waan ta’eef wanti hunduu saffisaan akka hojiirra oolu abdii qaban ibsaniiru.

Odeeffannoowwan waqtaawaa dabalataan argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.