Boordichi yeroon galmee filannoo barattoota dhaabbilee barnootaa olaanaa hanga Caamsaa 17, 2013tti dheerachuu ibse
Finfinnee, Caamsaa 11, 2013 (FBC) – Yeroon galmee filattootaa barattoota dhaabbilee olaanaa interneetiin gaggeeffamu hanga Caamsaa 17, 2013tti dheerachuu Boordiin Filannoo Biyyaalessa Ityoophiyaa beeksiise.
Boordiin Filannoo Biyyaalessaa Ityoophiyaa galmeen filannoo barattoota dhaabbilee olaanoo Interneetiin akka gaggeeffamu murteessuu hordofee galmichi gaggeeffamaa turuun ni yaadatama.
Haaluma kanaan yeroon galmee kun dabalamun barbaachisaa ta’ee argamuu isaaniin hanga Caamsaa 17, 2013tti akka dheeratu boordichi murteesseera.
Barattoonni dhaabbilee barnootaa olaanoo liinkii https://www.ovrs.gov.et fayyadamuun akka galmaa’an boordichi hubachiiseera.
Liinkichi Fuula Marsariitii dhaabbilee olaanoo www.nebe.org.et irrattis kan argamu ta’uu ibseera.
Paartileen siyaasaa, Miidiyaalee fi dhaabbileen olaanoo barattoonnni ‘online’ kana fayyadamuun galmee akka raawwatan tumsa taasiisuu akka qaban Boordichi gaafachuu ragaan Boordii Filannoo Biyyaalessa Ityoophiyaarraa argame ni agarsiisa.
Feesbuukii keenyan dabalata odeeffannoo waqtaawaa argachuuf; :-www.fanabc.com
Yuutyuubhttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.