Boordichi komii paartileerraa dhiyaatef, qaamoleen komiin irratti dhiyaate ibsa akka laatan waamicha dhiyeesse

Finfinnee, Guurrandhala 26, 2012 (FBC) – Boordiin Filannoo Biyyoolessaa Ityoophiyaa komii paartilee siyaasaarraa dhiyaatef, qaamoleen komiin irratti dhiyaate ibsa akka laatan waamicha dhiyeesse.

Boordichi;
1/ Paartiin Demokraasummaa Tigraay hidhaa, sodaachisoo fi waajjira irratti cufuun irra ga’uu,
2/IZEMAn walga’iin jalaa gufachuu, Goondarii fi Dabra Birihaanitti waltajjiin akka gufatu qaamoleen nageenyaa tumsa gochuu,
3/Paartiin Biyyoolessaa Oromoo, hidhaa, cufamuun waajjiraa, taappeellaan jalaa kaafamuu, sodaachisoon irra ga’uu,
4/KFOn sodaachisoo fi hidhaan miseensotaa irra ga’uu,
5/ABOn mallattoo hundeessituu saamamuu, hidhaan miseensotaa irra ga’uu,
6/ Dhaabbanni Demokraasummaa Geede’oo sanadaa fi mallattoo guutinsaa saamamuu isaanii himachuu beeksiseera.