Boba’aan seeraan ala socho’aa ture leetirri kumni 20 to’atame

Finfinnee, Hagayya 8, 2016 (FBC) – Boba’aan seeraan ala socho’aa ture leetirri kumni 20 to’atamuu Abbaan Taayitaa Boba’aa fi Inarjii beeksiise.

Boba’aan seeraan ala Finfinnee ka’uun gara magaalaa Asoosaa imaluuf ture leetirri kumni 20 Keellaa Buraayyuutti to’atamuu abbaan Taayitichaa himeera.

Beenzilli leetirri kumni 20 Buufata Boba’aa ‘Total’ jedhamu Finfinnee Karra ba’umsa Jimmaatti argamuu seeraan ala waraabamuun Konkolaataa fe’amsaan fe’amee osoo imalaa jiruu to’atamuu ibsameera.

Boba’aan to’atame kun dhaalamuun mootummaaf galii akka ta’u murtaa’uus eereera.

#Oromia #Ethiopia