Balaa tiraafikaan lubbuun namoota 7 darbe

Finfinnee, Guraandhala 27, 2016 (FBC)- Godina Qellem Wallaggaa Aanaa Sayyoo Ganda Alakuu Abbootti balaa tiraafikaa mudateen lubbuun namoota 7 darbe.

Kana malees balichaan namoota 10 irra miidhaa cimaan, namoota 4 irra immoo miidhaa salphaan qaqqabuu Waajjirri Poolisii Aanaa Sayyoo beeksiseera.

Sababni balichaas, konkolaataan fe’umsaa Aanaa Anfilloo irraa buna kuntaala 60 fe’ate imalaa ture fe’umsarratti namoota 30 fe’uun gara Magaalaa Dambi Doollootti imalaa utuu jiruu galagaluun miidhaan qaqqabuun ibsameera.

Namoonni miidhaan cimaan irra gahes Hospitaala Riferaalaa Yuunivarsiitii Dambii Dollootti wal’aanamaa jiraachuu Waajjira Poolisii Aanichaatti Qindeessaan Nageenya Tiraafikaa Inspeektar Geetahuun Nagarii himuu ragaan kominikeshinii godinichaarraa argame ni mul’isa.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama https://t.me/afanoromofana

Yuutiyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Tiwiitara https://twitter.com/fanatelevision nu duukaa bu’aa

Feesbuukii:https://www.facebook.com/afaanoromoofana/

Yeroo maraa nu waliin waan taataniif isin galateeffanna.