Balaa konkolaataa Nagallee Arsiitti mudateen lubbuun namoota 3 darbe
Finfinnee, Muddee 3, 2012 (FBC) – Balaa konkolaataa bulchiinsa magaalaa Nagallee Arsiitti ga’een lubbuun namoota 3 darbe.
Qabeenyarras miidhaa cimaan ga’eera.
Balichi iddoo Dildila Awaadee jedhamutt halkan naannoo sa’aa 9:00tti ga’uu Waajjirri Dhimmoota Koominikeeshinii magaalichaa beeksiseera.
Konkolaataan FSR fi Siinoon walitti bu’uun balichi kan mudate yammuu ta’u, lubbuun nama sadii darbee, namoonni miidhaan qaamaas irra ga’e jiraachuun himameera.
Sababiin balaa kanaa qoratamaa kan jiru ta’uu, itti gaafatamaan Waajjira Poolisii magaalichaa Inispeekatar Irreessoo Nuuraan ibsaniiru.